பின்தொடர்பவர்கள்

Monday, December 28, 2009

வசன கவிதை - 35



எது நமக்கு புத்தாண்டு?

ஜனவரி - 1
புத்தாண்டா?
'நியூ இயரா?'
இரண்டுக்கும் இடையில்
என்ன வித்தியாசம்?

இங்கிலாந்து சென்று
சித்திரை முதல் தேதி
'ஹேப்பி நியூ இயர்'
சொல்லிப் பாருங்கள்-
வித்தியாசம்
புரியவைக்கப்படும்.

காலண்டர் மாற்றுவதாலும்
டைரி மாற்றுவதாலும்
ஜனவரி -1
புதிய ஆண்டு தான்.
விசேஷ நாட்களில் கூட ஒன்று.
விடுமுறை நாட்களில் கூட ஒன்று.
ஜனவரி -1 ஐ
கொண்டாட வேண்டியது தான்.

ஆனால்-
எது நமக்கு புத்தாண்டு?
புத்தாண்டைப் புரியாமல்
பூரித்துப் பயனென்ன?

செப்புமொழி பதினெட்டோடு
பத்தொன்பதாய்
ஆங்கிலமும் பயில்வதில்
பெருமை தான்.

ஜனவரி -1 ஐ
மகிழ்ச்சியாய் வரவேற்போம்.
எனினும்
புத்தாண்டை வரவேற்க
சித்திரைக்கே காத்திருப்போம்!

நன்றி: தினமலர் (ஈரோடு - 01.01.2002)
.

No comments:

Post a Comment