பின்தொடர்பவர்கள்

Wednesday, June 2, 2010

புதுக்கவிதை - 98


செம்மொழி மாநாட்டை நோக்கி...1

இன்னும் 'ட்வென்டி டூ டேஸ்'



நடைபாதையில் பாவிய
'பேவ்மென்ட் டைல்ஸ்'
அழகோ அழகு!
பொது சுவர்களில் வரைந்த
'கல்சுரல் டிராயிங்க்ஸ்'
பிரமாதம்!
மாநாட்டுக்கு அமைத்த
'ஸ்பெஷல் லோகோ'
அட்டகாசம்!
முதல்வர் எழுதிய பாடலுக்கு
'மியூசிக் மிக்சிங்'
கலக்கல்!
மாநாட்டுக்கு அமைத்த
'ரிசெப்ஷன் கமிட்டி'
தூள்!
விருந்தினர் நின்று பார்க்கும்
'கேலேரி ஸ்டேஜ்'
சூப்பர்!
வெளிநாட்டுக்காரர்கள் தங்க
'ஹோட்டல் ரிசர்வேஷன்'
முடிந்தது!
மாநாட்டுப் பந்தலில்
'லைட்டிங் அரேஞ்ச்மென்ட்ஸ்'
திருப்தி!
தினசரி வெளியாகும்
'மீடியா கவரேஜ்'
நன்று!
பேரணிப் பாதையில்
'பிளக்ஸ் பேனர்கள்'
தயார்!
இன்னும்
'ட்வென்டி டூ டேஸ்'
இருக்கிறது-
உலகத் தமிழ்ச் செம்மொழி
மாநாட்டுக்கு!


.

No comments:

Post a Comment