பின்தொடர்பவர்கள்

Wednesday, June 23, 2010

வசன கவிதை - 70


செம்மொழி மாநாட்டை நோக்கி...23

செம்மாந்த கூட்டம்


சிங்கம் போல கிளம்பியது காண்
செந்தமிழ் இளைஞர் கூட்டம்-
உலகத் தமிழ்ச் செம்மொழி மாநாடு நோக்கி..
வழியில் பற்பல
அரசு மதுக்கடைகளைக் கடந்து.

செம்மொழி நம்பிக்கை

உலகத் தமிழ்ச் செம்மொழி
மாநாட்டுக்கு
இதுவரை செலவு
அரசு கணக்கில் ரூ. 400கோடி.
அத்தனையும் ஒரு வாரத்தில்
கிடைத்துவிடும்
அரசு மதுக்கடைகளில்.

செவ்வியல் ஏற்பாடு

உலகம் முழுவதிலும் இருந்து
வந்து குவிந்த விருந்தினர்களை
உபசரிக்க முன்னேற்பாடு-
அரசு மதுக்கடைகளில்
சரக்கு குவிப்பு.

செம்முழக்கம்

செம்மொழி செம்மொழி
செம்மொழியே!
எங்கள் தீராத் தமிழ்த் தாகம் தீர்த்த
செம்மொழி வாழியவே!
.

No comments:

Post a Comment